Afrikaj lingvoj

Enretiĝis la ĉapitro pri afrikaj lingvoj. Temas nur pri preskaŭ 30 lingvoj el la ĉ. 2000 afrikaj lingvoj, sed ni esperas, ke vi trovos interesajn informojn pri la lingvoj kaj entute pri la lingva diverseco. Por la momento estas jam enkondukitaj 183 lingvoj.

Hindeŭropaj lingvoj

Malrapide, sed iom post iom, la lingva vikio de la festivalo progresas. Enretiĝis la ĉapitro pri hindeŭropaj lingvoj. Por la momento estas enkondukitaj 53 artikoloj en ĉi tiu ĉapitro, kie oni speciale atentis la slavajn lingvojn, al kiuj apartenas unu el la festivalaj lingvoj: la rusa. Entute la vikio prezentas ĝis nun 119 lingvojn.

Lingva vikio

Oni komencis publikigi la Lingvan Vikion de la festivalo: wiki.lingvafestivalo.org
Ĝi estos trilingva: en la ĉuvaŝa, rusa kaj esperanto. Ĝis nun estas alŝutitaj la esperantlingvaj versioj pri altajaj lingvoj (40) kaj uralaj lingvoj (25). Entute oni planas la publikigon de informoj pri ĉ. 200 lingvoj, kun speciala zorgo pri la rusiaj, tjurkaj, slavaj kaj finn-ugraj lingvoj. Per ĝi la Festivalo volas kontribui al la diskonigo de la lingva diverseco kaj al la kompreno de la faktoroj, kiuj kontribuas al ĝia (mal)konservado.